اسلام ٹائمز۔ وزیراعظم عمران خان سے اسپیکر پنجاب اسمبلی پرویزالہٰی کی ملاقات ہوئی ہے۔ تفصیلات کے مطابق اس اہم ملاقات میں پنجاب میں قانون سازی اور ترقیاتی منصوبوں سے متعلق بات چیت ہوئی۔ پی ٹی آئی اور مسلم لیگ (ق) میں رابطوں کو مزید بڑھانے پر اتفاق ہوا۔ اس موقع پر وزیراعظم عمران خان نے کہا کہ ترقیاتی ایجنڈے کو عملی جامہ پہنانے کے لئے رابطے بڑھائیں۔ وزیراعظم نے پنجاب اسمبلی کے کردار اور کارکردگی کو سراہا۔ یاد رہے کہ اسپیکر پنجاب اسمبلی چوہدری پرویز الٰہی نے گذشتہ روز کہا تھا کہ عمران خان جیسی سوچ ہو، تب ملک ترقی کرتا ہے۔