Saturday 30 Mar 2019 15:30

عمر عبداللہ نے این آئی اے کو پہلے کیوں نہیں روکا، سجاد لون

اسلام ٹائمز۔ جموں و کشمیر پیپلز کانفرنس کے چیئرمین سجاد غنی لون نے این آئی اے کے ذریعہ کشمیریوں کو خوفزدہ کرنے پر روک لگانے کے حوالے سے عمر عبداللہ کے بیان پر تنقید کی۔ انہوں نے کہا کہ اس ایجنسی کو نیشنل کانفرنس کے اتحادی پارٹنر نے ہی قائم کیا تھا جب ڈاکٹر عبداللہ کابینہ کے رکن تھے۔ عمر عبداللہ کے اس بیان جس میں انہوں نے این آئی اے ذریعہ کشمیریوں کو خوفزدہ نہ کرنے دینے کی بات کہی، سجاد لون نے اس سے متعلق سوال کا جواب دیتے ہوئے کہا کہ مجھے حیرانگی اس بات پر ہے کہ عمر عبد اللہ جھوٹ کیسے بولتے ہیں۔ بطور ادارہ این آئی اے کا قیام کانگریس کے ہاتھوں عمل میں آیا جب نیشنل کانفرنس اور کانگریس کا آپس میں اتحاد تھا۔

انہوں نے کہا کہ ڈاکٹر فاروق عبداللہ اس وقت کابینہ کے رکن تھے۔ سجاد لون نے کہا کہ مجھے ڈاکٹر فاروق عبداللہ یا عمر عبداللہ جو کہ اس وقت وزیراعلٰی تھے، کا ایک بھی ایسا بیان یاد نہیں ہے جس میں انہوں نے این آئی اے کو دئے گئے وسیع اختیارات پر تشویش ظاہر کی ہو۔ سجاد لون نے مزید کہا کہ عمر عبداللہ ہمیں یہ بتائیں کہ وہ خوفزدگی روک سکتے ہیں یا ان کے پاس طاقت نہیں ہے۔ انہوں نے کہا کہ اگر وہ واقعی بہت طاقتور ہیں تو پھر انہوں نے ماضی میں ان طاقتوں کا استعمال کیوں نہیں کیا۔ سجاد لون نے کہا کہ عمر عبداللہ افضل گورو کی پھانسی کو روکنے یا کم از کم ان کی لاش کو کشمیر واپس لانے کے لئے اپنی طاقت کا استعمال کرسکتے تھے۔

عمر عبداللہ نے این آئی اے کو پہلے کیوں نہیں روکا، سجاد لون

تازہ ترین

مقبول ترین

ہاٹ نیوز

پربحث ترین