0
Monday 22 Apr 2019 18:07

سعودی عرب میں سیکیورٹی فورسز کی عمارت پر ہونے والے حملے کی ذمہ داری داعش نے قبول کرلی

سعودی عرب میں سیکیورٹی فورسز کی عمارت پر ہونے والے حملے کی ذمہ داری داعش نے قبول کرلی
اسلام ٹائمز۔ بین الاقوامی طور پر دہشت گرد قرار دی جانے والی عسکری تنظیم داعش نے گزشتہ روز سعودی عرب میں سیکیورٹی فورسز کی عمارت پر ہونے والے حملے کی ذمہ داری قبول کرلی۔ خیال رہے کہ حملے میں 3 حملہ آور ہلاک جبکہ سیکیورٹی فورسز کے 3 اہلکار زخمی ہوئے تھے۔ سعودی عرب کے سرکاری نیوز چینل الاخباریہ نے اپنی رپورٹ میں بتایا تھا کہ پولیس نے حملہ ناکام بنادیا تھا، یہ حملہ دارالحکومت ریاض سے شمال میں 250 کلومیٹر کے فاصلے پر قائم سیکیورٹی فورسز کی عمارت میں کیا گیا تھا۔

حملے کے بعد سوشل میڈیا پر جاری ہونے والی ویڈیو میں ہلاک مسلح حملہ آور کو دیکھا جاسکتا ہے، جس کے قریب دھماکا خیز مواد بھی نظر آرہا ہے۔ بعد ازاں داعش سے تعلق رکھنے والی نیوز ایجنسی عماق نے ایک ویڈیو جاری کی جس میں حملہ آوروں کو شہید قرار دیا گیا تاہم یہ واضح نہیں کہ یہ ویڈیو کب بنائی گئی تھی۔ مذکورہ ویڈیو میں ایک شخص سعودی عرب کے شاہی خاندان پر تنقید کررہا ہے اور اس حملے کو سعودی عرب، شام اور عراق میں مسلمانوں کو قید کیے جانے کا رد عمل قرار دیا گیا۔

گزشتہ روز سعودی سیکیورٹی فورسز نے دہشت گردوں کا حملہ ناکام بناتے ہوئے 4 مسلح دہشت گردوں کو ہلاک کرنے کا دعویٰ کیا تھا۔ اس سے قبل 9 اپریل کو سعودی عرب کے مشرقی صوبے میں سیکیورٹی چیک پوسٹ پر دہشت گردوں نے حملہ کردیا تھا تاہم سیکیورٹی فورسز کی جوابی کارروائی میں 2 دہشت گرد ہلاک کردیے گئے تھے جبکہ 2 کو گرفتار کرلیا گیا تھا۔ رواں برس 10 جنوری کو سعودی خفیہ ایجنسی نے کارروائی کرتے ہوئے 6 مشتبہ افراد کو ہلاک کرنے کا دعویٰ کیا تھا۔  مارے جانے والے دہشت گرد قطیف میں ہونے والے حملے میں ملوث تھے۔
خبر کا کوڈ : 790020
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش