اسلام ٹائمز۔ سابق صدر آزادکشمیر محمد یعقوب خان نے کہا ہے کہ فاروق خان جس منصب پر ہیں اس کا تقاضا ہے کہ وہ سارے آزادکشمیر اور ساری قوم کو ساتھ لے کر چلیں ان کا یہ کہنا کہ راولاکوٹ کے لوگ محدود سوچ کے مالک ہیں، راولاکوٹ کے لوگوں کو اپنا طرز عمل بدلنا چاہیے، ایسا کہہ کر فاروق خان نے عصبیت پیدا کرنے کی کوشش کی، وہ لوگوں کو تقسیم کرنے کی کوشش نہ کریں، پونچھ کی سرزمین اور باقی سارا آزادکشمیر ایک ہی مالا کے موتی ہیں، جب حکمران لوگوں کو اس طرح تقسیم کرنے کی کوشش کریں گے تو یہ چھوٹا سا خطہ کراچی سے بدتر ہو جائے گا۔ متعلقہ حکام کو چاہیے کہ وہ فاروق خان کے اس بیان کا نوٹس لیں۔