اسلام ٹائمز۔ کلایہ میں موجود بادشاہ سید میر انور شاہ کے مزار کی سالوں سے بندش کے خلاف پاراچنار میں بادشاہ انور غگ کمیٹی کی سربراہی میں احتجاجی ریلی نکالی گئی۔ جس میں ہزاروں کی تعداد میں انکے مریدوں نے شرکت کی۔ ریلی پاراچنار شہر کے مختلف راستوں سے ہوتی ہوئی پریس کلب کے سامنے جلسے کی شکل اختیار کرلی۔ جلسے سے مقررین نے خطاب کرتے ہوئے کہا کہ سالوں سے کلایہ میں بادشاہ سید میر انور شاہ کا مزار بند پڑا ہے، جوکہ انکے ساتھ سراسر ظلم ہے۔ مظاہرین نے حکومت سے مطالبہ کیا ہے کہ زیارت کو فوری طور تعمیر کرکے عقیدت مندوں کے لئے کھول دیا جائے۔