QR CodeQR Code

میئر کراچی وسیم اختر نے اپنی آنکھیں عطیہ کرنے کا اعلان کردیا

6 May 2019 19:30

آئی بینک سوسائٹی ہسپتال میں لیبارٹری کی افتتاحی تقریب میں شرکت کے بعد میڈیا سے گفتگو میں وسیم اختر نے کہا کہ معاشرے کے دیگر افراد بھی آنکھیں عطیہ کرنے کے عمل میں شامل ہوں، یہ ایک اہم سماجی معاشرتی اور دینی ذمہ داری ہے۔


اسلام ٹائمز۔ میئر کراچی وسیم اختر نے اپنی آنکھیں عطیہ کرنے کا اعلان کرتے ہوئے دوسروں کو بھی آنکھیں عطیہ کرنے کا مشورہ دیا ہے۔ تفصیلات کے مطابق مئیر کراچی وسیم اختر نے آئی بینک سوسائٹی ہسپتال میں آنکھوں کی لیبارٹری کی افتتاحی تقریب میں شرکت کی۔ میئر نے تقریب میں شرکت پر خوشی کا اظہار کیا۔ اس موقع پر میڈیا سے گفتگو میں مئیر کراچی نے بھی اپنی آنکھیں عطیہ کرنے کا اعلان کرتے ہوئے کہا کہ معاشرے کے دیگر افراد بھی آنکھیں عطیہ کرنے کے عمل میں شامل ہوں، یہ ایک اہم سماجی معاشرتی اور دینی ذمہ داری ہے۔ میئر کراچی وسیم اختر نے کہا کہ پاکستان آئی بینک سوسائٹی ہسپتال کے ایم سی کے ساتھ اشتراک کر رہی ہے جو کہ خوش آئند ہے، ماضی کے تمام مئیر اس ہسپتال کا دورہ کرچکے ہیں اور آج مجھے اس ہسپتال کا دورہ کرکے بہت خوشی ہورہی ہے۔ تقریب میں مئیر کراچی وسیم اختر کے علاوہ صدر پی ای بی ایس قاضی ساجد علی، نائب صدر پی ای بی ایس ڈاکٹر اختر جمال خان اور دیگر نے بھی شرکت کی۔


خبر کا کوڈ: 792590

خبر کا ایڈریس :
https://www.islamtimes.org/ur/news/792590/میئر-کراچی-وسیم-اختر-نے-اپنی-آنکھیں-عطیہ-کرنے-کا-اعلان-کردیا

اسلام ٹائمز
  https://www.islamtimes.org