اسلام ٹائمز۔ وزیراعلی پنجاب سردار عثمان بزدار نے سانخہ داتا دربار کی ابتدائی تحقیقاتی رپورٹ ایوان وزیراعظم کو بھجوا دی جبکہ وزیراعلی پنجاب کی جانب سے سکیورٹی فورسز کو ہدایت کی گئی ہے کہ وہ سکیورٹی انتظامات کا ازسرنو جائزہ لیں۔ تفصیلات کے مطابق وزیراعلی پنجاب سردار عثمان بزدار نے سانخہ داتا دربار کی ابتدائی تحقیقاتی رپورٹ ایوان وزیراعظم کو بھجوا دی ہے۔ وزیراعلی پنجاب کی جانب سے سکیورٹی فورسز کو ہدایت کی گئی ہے کہ وہ سکیورٹی انتظامات کا ازسرنوء جائزہ لیں اور جہاں کوئی کمی ہے اس کو فوری پورا کیا جائے۔ وزیراعلی پنجاب کی جانب سے یہ بھی ہدایت کی گئی ہے کہ رمضان المبارک میں جمعہ کے اجتماعات اور رمضان بازاروں سمیت دیگر مقامات پر سکیورٹی کے فول پروف انتظامات کئے جائیں۔