عمران خان نے اقتصادی ٹیم کا اہم اجلاس آج طلب کر لیا

اسلام ٹائمز۔ وزیراعظم پاکستان عمران خان نے اقتصادی ٹیم کا اہم اجلاس آج طلب کر لیا۔ ذرائع کے مطابق اقتصادی ٹیم کے اجلاس میں آئی ایم ایف سے معاہدے اور ایمنسٹی اسکیم پر غور کیا جائے گا۔ اجلاس میں وزارت خزانہ کی جانب سے وزیراعظم عمران خان کو مالیاتی امور پر بریفنگ دی جائے گی، جس میں کابینہ اور پی ٹی آئی کے ارکان قومی اسمبلی شریک ہوں گے۔ مشیر خزانہ عبدالحفیظ شیخ سمیت حکومتی اقتصادی ٹیم کے ارکان بھی بریفنگ میں شرکت کریں گے۔