سپین کی وزیر دفاع "مارگریتا روبلس" نے اس حوالے سے کہا ہے کہ سپین کا یہ اقدام ایک فنی اقدام تھا جو فوجی قواعد و ضوابط کے مطابق اٹھایا گیا لیکن سیاسی اقدام نہیں تھا۔ مارگریتا روبلس نے تاکید کرتے ہوئے کہا کہ ہم امریکہ کے بنیادی فیصلے میں تبدیلی کا احترام کرتے ہیں جبکہ اُسے بھی دونوں ممالک کے درمیان طے پائے گئے بنیادی معاہدے پر ہماری پابندی کا احترام کرنا چاہئے۔ ہم امریکہ کے اس فیصلے پر کوئی بات کرتے ہیں نہ ہی اُس کی مذمت کیونکہ یہ ایک عارضی فیصلہ ہے اور جیسے ہی امریکی طیارہ بردار بحری بیڑہ "ابراہم لنکن" ایران کے نزدیکی پانیوں سے دور ہو گا، سپین کی جنگی کشتی اپنے وظیفے پر عمل کرتے ہوئے دوبارہ اس کے ہمراہ ہو جائے گی۔

سپین کی حکومتی ترجمان "ایسابیل سیلا" اور وزیراعظم "پیڈرو سانچز" نے بھی صحافیوں کے سوالات کے جواب میں کہا کہ امریکی حکومت کے فیصلوں کے غیرمتوقع ہونے کی وجہ سے ہم نے یہ حکم دیا تھا کہ سپین کی جنگی کشتی عارضی طور پر امریکی طیارہ بردار بحری بیڑے کے ہمراہ نہ رہے۔ یہ فیصلہ احتیاط اور تدبیر پر مبنی تھا۔