QR CodeQR Code

آئی ایم ایف کے قرضے اور سود کیخلاف سندھ ہائیکورٹ میں درخواست دائر

16 May 2019 18:08

درخواست میں مؤقف اختیار کیا گیا ہے کہ سود پر قرض لینا دستور کی دفعہ 2، 2 اے، 31، 37، اور 38 کی خلاف ورزی ہے، سابق حکومتی ادوار میں غیر ملکی مالیاتی اداروں سے بھاری سود پر قرض لیا گیا۔


اسلام ٹائمز۔ سندھ ہائیکورٹ میں آئی ایم ایف کے قرضے اور سود کے خلاف درخواست دائر کرائی گئی ہے۔ تفصیلات کے مطابق محمد علی شیروانی اور سید اقبال کاظمی کی جانب سے دائر کی گئی درخواست میں وفاقی سیکرٹری خزانہ اور دیگر کو فریق بنایا گیا ہے۔ درخواست میں مؤقف اختیار کیا گیا ہے کہ سود پر قرض لینا دستور کی دفعہ 2، 2 اے، 31، 37، اور 38 کی خلاف ورزی ہے، سابق حکومتی ادوار میں غیر ملکی مالیاتی اداروں سے بھاری سود پر قرض لیا گیا۔ درخواست میں مؤقف اختیار کیا گیا ہے کہ دستور کی دفعہ 157 کے تحت بجلی کے محصول اور نرخ کا تعین صوبائی حکومت کی ذمہ داری ہے، کسی بھی غیر ملکی مالیاتی ادارے کو اختیار نہیں کہ وہ یوٹیلیٹی بلز اور ٹیکس میں اضافہ کرے۔ آئی ایم ایف سے لیا گیا قرض قرآن و سنت اور دستور مملکت کے خلاف قرار دیا جائے اور سابق ادوار میں آئی ایم ایف کے سود کی رقم سابق حکمرانوں کے اکاؤنٹ سے وصول کی جائے۔


خبر کا کوڈ: 794611

خبر کا ایڈریس :
https://www.islamtimes.org/ur/news/794611/آئی-ایم-ایف-کے-قرضے-اور-سود-کیخلاف-سندھ-ہائیکورٹ-میں-درخواست-دائر

اسلام ٹائمز
  https://www.islamtimes.org