0
Saturday 18 May 2019 17:50

سپیکر جی بی اسمبلی کا سکردو میں پانی و بجلی بحران کا نوٹس

سپیکر جی بی اسمبلی کا سکردو میں پانی و بجلی بحران کا نوٹس
اسلام ٹائمز۔ سپیکر گلگت بلتستان اسمبلی حاجی فدا محمد ناشاد نے سکردو شہر میں بجلی اور پانی کے بحران کا نوٹس لیتے ہوئے شہریوں کے ہمراہ سدپارہ ڈیم کا دورہ کیا اور ڈیم میں پانی کی سطح کم ہونے پر گہری تشویش کا اظہار کیا ہے۔ سپیکر نے اس موقع پر وزیر اعلیٰ گلگت بلتستان حافظ حفیظ الرحمان سے بذریعہ فون رابطہ کر کے انہیں حالات سے آگاہ کیا، جو کہ ان دنوں آئندہ مالی سال کے ترقیاتی بجٹ کے حوالے سے وفاقی حکومت سے بات چیت کرنے کے لیے اسلام آباد گئے ہوئے ہیں۔ سپیکر نے وزیر اعلیٰ کو بتایا کہ سدپارہ جھیل میں پانی کی سطح مقپون دور کی تعمیرکردہ بند کی سطح سے بھی خطرناک حد تک نیچے گر چکی ہے، جسکی وجہ سے سکردو شہر اور اردگرد کے علاقوں میں پینے کے پانی کا قحط پڑ چکا ہے جبکہ بجلی کے بحران نے شہریوں کو پہلے ہی پریشان کر رکھا ہے، ان مسائل کا واحد حل شتونگ نالے کو سدپارہ ڈیم کی جانب موڑنے کا تجدیدی پی سی ون کو منظوری کرانا ہے۔ انہوں نے چیف منسٹر پر زور دیا ہے کہ وہ وزارت منصوبہ بندی کے حکام سے ترجیحی بنیادوں پر رابطہ کر کے یہ منصوبہ منظور کرانے میں اپنا کردار ادا کریں۔
خبر کا کوڈ : 795013
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش