QR Code
عمران خان 30 مئی کو سعودی عرب جائیں گے
19 May 2019 11:23
وزیراعظم پاکستان 31 مئی کو او آئی سی سربراہ اجلاس سے خطاب کریں گے جبکہ دورے میں وزیراعظم عمران خان کی سعودی بادشاہ شاہ سلمان اور ولی عہد محمد بن سلمان سے اہم ملاقاتیں کریں گے۔
اسلام ٹائمز۔ وزیراعظم پاکستان عمران خان 30 مئی کو سعودی عرب کے دورے پر جائیں گے، جہاں وہ او آئی سی سربراہان مملکت کے اجلاس میں شرکت کریں گے۔ وزیراعظم 31 مئی کو او آئی سی سربراہ اجلاس سے خطاب کریں گے جبکہ دورے میں وزیراعظم عمران خان کی سعودی بادشاہ شاہ سلمان اور ولی عہد محمد بن سلمان سے اہم ملاقاتیں کریں گے۔ وزیراعظم کے دورے سے پہلے وزیر خارجہ شاہ محمود قریشی 27 مئی کو سعودی عرب روانہ ہوں گے، وزیر خارجہ 28 اور 29 مئی کو او آئی سی وزرائے خارجہ اجلاس میں شرکت کریں گے۔
خبر کا کوڈ: 795102