اسلام ٹائمز - برازیل کے بار میں فائرنگ، 11 افراد ہلاک

برازیلین حکام نے واقعے کی تصدیق کرتے ہوئے بتایا ہے کہ 7 مسلح افراد نے بار میں فائرنگ کی اور فرار ہو گئے، فائرنگ سے 11 افراد ہلاک ہوئے ہیں۔

اسلام ٹائمز۔ برازیل کی ریاست پارا کے شہر بیلم کے ایک بار میں مسلح افراد نے فائرنگ کر دی جس کے نتیجے میں 11 افراد ہلاک ہو گئے۔ برازیلین حکام نے واقعے کی تصدیق کرتے ہوئے بتایا ہے کہ 7 مسلح افراد نے بار میں فائرنگ کی اور فرار ہو گئے، فائرنگ سے 11 افراد ہلاک ہوئے ہیں۔ مقامی میڈیا نے دعویٰ کیا ہے کہ فائرنگ سے ایک حملہ آور زخمی ہوا ہے جو پولیس کی حراست میں ہے۔ برازیلین حکام کا مزید کہنا ہے کہ فائرنگ میں ہلاک ہونے والے 11 افراد میں 6 خواتین اور 5 مرد شامل ہیں، اس واقعے کی فوری طور پر کوئی وجہ سامنے نہیں آئی ہے۔