1
Monday 20 May 2019 22:07

تاجکستان، قیدیوں کے درمیان فسادات کے نتیجے میں سیکیورٹی گارڈز سمیت 32 افراد ہلاک

تاجکستان، قیدیوں کے درمیان فسادات کے نتیجے میں سیکیورٹی گارڈز سمیت 32 افراد ہلاک
اسلام ٹائمز۔ وسط ایشیاء کی ریاست تاجکستان کے دارالحکومت دوشنبے کی جیل میں قیدیوں کے درمیان فسادات کے نتیجے میں سیکیورٹی گارڈز سمیت 32 افراد ہلاک ہو گئے۔ تاجکستان کی وزارت انصاف کے مطابق قیدیوں کے درمیان ہونے والے فسادات میں تیز دھار آلوں کا آزادانہ استعمال کیا گیا۔ میڈیا رپورٹس کے مطابق جیل میں ہونے والے فسادات میں تین جیلرز اور 5 دیگر قیدیوں سمیت 32 افراد ہلاک اور 25 کے قریب زخمی ہوئے۔

حکام کے مطابق سیکیورٹی فورسز نے جیل میں امن و امان قائم کرنے کے لیے 24 قیدیوں کو ہلاک کیا۔ وزارت انصاف کے مطابق جیل میں فسادات کا باعث بننے والوں میں ایک بیخروز گلمرود تھا جو تاجکستان کی اسپیشل فورس کے کرنل گلمرود خلیموو کا بیٹا ہے جنہوں نے 2015ء میں داعش میں شمولیت اختیار کی تھی اور جو شام میں ہلاک ہو گئے تھے۔ خیال رہے کہ گزشتہ برس نومبر میں بھی تاجکستان کی ایک جیل میں قیدیوں کے درمیان ہونے والے فسادات کی ذمہ داری داعش نے قبول کی تھی۔
 
خبر کا کوڈ : 795377
رائے ارسال کرنا
آپ کا نام

آپکا ایمیل ایڈریس
آپکی رائے

منتخب