QR Code

پاکستان کا شاہین ٹو میزائل کا کامیاب تجربہ

23 May 2019 11:38

شاہین ٹو میزائل 15 سو کلومیٹر تک ہدف کو کامیابی سے نشانہ بنانے کی صلاحیت رکھتا ہے، یہ روایتی اور ایٹمی ہتھیار لے جانے کی صلاحیت کا بھی حامل ہے۔

اسلام ٹائمز۔ پاکستان نے زمین سے زمین پر مار کرنے والے شاہین ٹو میزائل کا کامیاب تجربہ کیا ہے۔ شاہین ٹو میزائل 15 سو کلومیٹر تک ہدف کو کامیابی سے نشانہ بنانے کی صلاحیت رکھتا ہے، یہ روایتی اور ایٹمی ہتھیار لے جانے کی صلاحیت کا بھی حامل ہے۔ میزائل تجربے سے پاکستان کی خطے میں کم از کم مزاحمت برقرار رکھنے کی صلاحیت میں اضافہ ہوا ہے، شاہین ٹو میزائل اسٹریٹجک ضرورتوں کو کامیابی سے پورا کرنے کی صلاحیت رکھتا ہے۔ پاک فوج کے شعبہ تعلقات عامہ (آئی ایس پی آر) کا کہنا ہے کہ تجربے کا مقصد آپریشنل تیاریوں کو بہتر بنانا ہے۔ میزائل تجربے کے موقع پرڈائریکٹر جنرل اسٹریٹجک کمانڈ ڈویژن، کمانڈر آرمی اسٹریٹیجک فورسز کمانڈ، چیئرمین نیس کوم، سینئر فوجی افسران، انجینئرز اور سائنسدان موجود تھے۔ صدر ڈاکٹر عارف علوی، وزیراعظم عمران خان، چیئرمین جوائنٹ چیف آف اسٹاف کمیٹی اور تینوں مسلح افواج کے سربراہان نے کامیاب میزائل تجربے پر سائنسدانوں اور انجینئرز کو مبارکباد دی ہے۔

خبر کا کوڈ: 795851