QR Code
عمران خان کی حکومت کیلئے مسائل کی جڑ سیاسی لوٹے ہیں، نواز شریف
23 May 2019 14:57
سابق وزیراعظم نے ملاقات میں کہا کہ اخبارات میں مہنگائی اور ڈالر کی اڑان کا پڑھ کر پریشان ہوں، پارٹی کی تنظیم سازی جلد سے جلد مکمل کی جائے، مخلص اور پرانے کارکنوں کو نظرانداز نہ کیا جائے اور سفارش کے بجائے میرٹ پر پارٹی عہدے دیئے جائیں۔
اسلام ٹائمز۔ سابق وزیراعظم نواز شریف نے مریم نواز و لیگی رہنماؤں سے ملاقات میں کہا ہے کہ مشکل وقت میں بے وفائی کرنے والوں کی نون لیگ میں جگہ نہیں، اب کسی لوٹے کو واپس نہیں لیا جائے گا اور ہدایت کی پارٹی کی تنظیم سازی جلد سے جلد مکمل کی جائے۔ تفصیلات کے مطابق سابق وزیراعظم نواز شریف سے مریم نواز اور لیگی رہنماؤں کی کوٹ لکھپت جیل میں ملاقات کی اندرونی کہانی سامنے آگئی۔ پارٹی رہنماؤں نے نواز شریف کو بتایا کچھ دوست پارٹی میں واپسی کیلئے رابطے کر رہے ہیں، جس پر نواز شریف نے کہا مشکل وقت میں بے وفائی کرنے والوں کی نون لیگ میں جگہ نہیں، اب کسی لوٹے کو واپس نہیں لیا جائے گا۔
نواز شریف کا کہنا تھا عمران خان کی حکومت کیلئے مسائل کی جڑ بھی یہی سیاسی لوٹے ہیں اور ہدایت کی پارٹی کی تنظیم سازی جلد سے جلد مکمل کی جائے، مخلص اور پرانے کارکنوں کو نظرانداز نہ کیا جائے اور سفارش کے بجائے میرٹ پر پارٹی عہدے دیئے جائیں۔ یاد رہے گذشتہ ملاقات میں نواز شریف کی نون لیگ کو حکومت کے خلاف احتجاج کی اجازت دی تھی اور قیادت کو احتجاجی لائحہ عمل کیلئے اجلاس طلب کرنے کی ہدایت کردی تھی۔ اس موقع پر نواز شریف نے کہا تھا مسلم لیگ نون اب مہنگائی پر مزید خاموش نہیں رہے گی، حکومت نے عوام کیساتھ جو رویہ اپنایا وہ کسی صورت قبول نہیں، اخبارات میں مہنگائی اور ڈالر کی اڑان کا پڑھ کر پریشان ہوں۔
خبر کا کوڈ: 795872