اسلام ٹائمز۔ آئندہ مالی سال کا وفاقی بجٹ گیارہ جون کو پیش کیا جائے گا جس کے لیے مشیر خزانہ نے تمام متعلقہ اداروں کو بجٹ کا عمل بروقت مکمل کرنے کی ہدایت کر دی۔ ذرائع کے مطابق مشیر خزانہ عبدالحفیظ شیخ کی زیرصدارت وفاقی بجٹ کی تیاریوں کا جائزہ لینے کے لیے اجلاس وزارت خزانہ میں ہوا، اجلاس میں بجٹ فریم ورک کا جائزہ لیا گیا۔ مشیرخزانہ حفیظ شیخ نے تمام متعلقہ اداروں کو ہدایت کی کہ بجٹ کی تیاری کا عمل بروقت مکمل کیا جائے۔ قومی اقتصادی سروے دس جون کو پیش کیا جائے گا جبکہ آئندہ مالی سال کا بجٹ گیارہ جون کو پیش کیا جائے گا۔