اسلام ٹائمز۔ حضرت علی علیہ السلام کے یوم شہادت پر لاہور میں 2 روز کیلئے ڈبل سواری پر پابندی عائد کر دی گئی۔ اطلاعات کے مطابق حضرت علی علیہ السلام کے یوم شہادت پر لاہور میں 2 روز کیلئے ڈبل سواری پر پابندی عائد کر دی گئی ہے، جس کا نوٹیفکیشن بھی جاری کر دیا گیا ہے۔ محکمہ داخلہ کی جانب سے جاری ہونیوالے نوٹیفکیشن کے مطابق یوم علی علیہ السلام پر لاہور میں آج اور کل موٹر سائیکل کی ڈبل سواری پر پابندی ہو گی، خلاف ورزی کرنے والے افراد کیخلاف قانون حرکت میں آئے گا تاہم بزرگ حضرات، خواتین اور بچے پابندی سے مستثنیٰ ہونگے۔