QR Code

ڈی آئی خان، پولیس مقابلے میں ڈکیت ہلاک، اہلکار زخمی

27 May 2019 16:59

ڈیرہ اسماعیل خان پولیس کو خفیہ اطلاع ملی تھی کہ مشہور زمانہ دوسہ ڈکیت علاقہ نون میں پایا جاتا ہے، جس پر پولیس پارٹی نے کارروائی کا آغاز کیا، پولیس کو دیکھ کر ڈکیت نے پولیس پر فائرنگ کر دی، جس کے بعد فائرنگ کا تبادلہ شروع ہوا۔ فائرنگ میں ایک پولیس اہلکار زخمی ہوا جسے فوری طور پر ڈسٹرکٹ ہیڈ کوارٹر ہسپتال منتقل کیا گیا۔

اسلام ٹائمز۔ ڈیرہ اسماعیل خان میں پولیس اور ڈاکوؤں کے مابین مسلح مقابلے میں ایک ڈکیت ہلاک جبکہ ایک پولیس اہلکار زخمی ہوا ہے۔ ڈیرہ اسماعیل خان پولیس کو خفیہ اطلاع ملی تھی کہ مشہور زمانہ دوسہ ڈکیت علاقہ نون میں پایا جاتا ہے، جس پر پولیس پارٹی نے کارروائی کا آغاز کیا، پولیس کو دیکھ کر ڈکیت نے پولیس پر فائرنگ کر دی، جس کے بعد فائرنگ کا تبادلہ شروع ہوا۔ فائرنگ میں ایک پولیس اہلکار زخمی ہوا جسے فوری طور پر ڈسٹرکٹ ہیڈ کوارٹر ہسپتال منتقل کیا گیا۔ واقعہ کی اطلاع کے ملتے ہی فیروز شاہ آر پی او، سلیم ریاض ڈسٹرکٹ پولیس آفیسر، افتخار شاہ ڈی ایس پی سٹی و کینٹ، پولیس کی بھاری نفری، عنایت اللہ ٹائیگر انچارچ بم ڈسپوزایبل سکوارڈ، بلال خان ایس ایچ او تھانہ یونیورسٹی اور دیگرسکیورٹی ادارے بھی موقع پہ پہنچ گئے۔ پولیس کی بھاری نفری نے جوابی کارروائی کی، جس کی زد میں آکر دوسہ ڈکیت موقع پہ ہی ہلاک ہو گیا۔ جائے وقوعہ سے پولیس نے اسلحہ برآمد کر کے علاقے کو کلیئر کر دیا ہے۔ 

خبر کا کوڈ: 796541