اسلام ٹائمز۔ صوبہ خیبر پختونخوا کے ضلع بنوں میں نامعلوم موٹر سائیکل سواروں نے فائرنگ کرتے ہوئے سی ٹی ڈی اہلکار کو قتل کر دیا ہے۔ ذرائع کے مطابق مقتول آصف رزمک میں انٹیلی جنس ڈیوٹی پر مامور تھا، وہ چھٹیوں پر گھر آیا ہوا تھا کہ نامعلوم موٹر سائیکل ملزمان نے اس پر گولیاں برسا دیں، جس سے سی ٹی ڈی کا اہلکار آصف موقع پر ہی جاں بحق ہوگیا۔ نامعلوم ملزمان فائرنگ کے بعد فرار ہونے میں کامیاب ہوگئے، جن کی گرفتاری کیلئے مختلف مقامات پر پولیس کے سرچ آپریشن جاری ہیں۔