اسلام ٹائمز۔ پنجاب حکومت کی جانب سے گیارہ ایمبولینس سمیت جدید مشینری محکمہ صحت گلگت بلتستان کے حوالے کر دی گئی۔ وزیر صحت پنجاب ڈاکٹر یاسمین راشد نے گورنر جی بی راجہ جلال کے ہمراہ ڈسٹرکٹ ہیلتھ آفس گلگت میں ایمبولینس کی چابیاں تقسیم کیں۔ گورنر ہاؤس میں مشینری فراہم کرنے کی تقریب سے خطاب کرتے ہوئے ڈاکٹر یاسمین راشد نے کہا کہ تحریک انصاف کی وفاقی حکومت جی بی کی تعمیر و ترقی کیلئے کوشاں ہے، صوبائی حکومت اسلام آباد آ کر پاؤں اور گلگت میں گلے پڑنے کی کوششوں اور سازشوں سے باز رہے۔ تقریب سے گورنر راجہ جلال، فتح اللہ و دیگر نے بھی خطاب کیا۔