QR Code
فردوس عاشق اعوان کی جانب سے رانا ثناء اللہ کو 2 ارب روپے ہرجانے کا نوٹس
8 Jun 2019 20:08
لیگل نوٹس میں کہا گیا ہے کہ جھوٹی خبر پر معافی، اس کی تردید اور ہرجانہ 14 دن کے اندر ادا کیا جائے، اگر دونوں اقدام نہ کیے گئے تو رانا ثناء اللہ کے خلاف قانونی چارہ جوئی کا حق رکھتے ہیں۔
اسلام ٹائمز۔ وزیر اعظم عمران خان کی معاون خصوصی برائے اطلاعات ڈاکٹر فردوس عاشق اعوان نے مسلم لیگ (ن) پنجاب کے صدر رانا ثناءاللہ کو 2 ارب روپے ہرجانے کا نوٹس بھیج دیا۔ معاون خصوصی برائے اطلاعات ڈاکٹر فردوس عاشق اعوان نے لیگل نوٹس 26 مئی کو ان سے متعلق بیانات پر بجھوایا جس میں کہا گیا ہے کہ فردوس عاشق اعوان دنیا بھر میں ایک قابل اور ایماندار سیاستدان کے طور پر جانی جاتی ہیں۔ نوٹس کے مطابق فردوس عاشق 10 سال تک قومی اسمبلی اور پانچ مختلف وزارتوں میں وزیر رہی ہیں اور اس وقت بھی وزیراعظم عمران خان کی بطور معاون خصوصی برائے اطلاعات اہم ذمہ داریاں سرانجام دے رہی ہیں۔
خبر کا کوڈ: 798432