اسلام ٹائمز - جلال آباد میں دھماکہ، 9 افراد جاں بحق

حملے کی ذمہ داری کسی دہشت گرد گروپ نے قبول نہیں کی ہے، تاہم جلال آباد کے اطراف کا علاقہ طالبان اور داعش سے منسلک افغان گروپ کے جنگجوؤں کا گڑھ رہا ہے۔

اسلام ٹائمز۔ افغانستان کے مشرقی شہر جلال آباد میں خودکش حملے کے نتیجے میں 9 افراد جاں بحق اور 12 زخمی ہوگئے۔ افغان صوبہ ننگرہار کے گورنر کے ترجمان عطااللہ خوغیانی نے کہا کہ پیدل چل کر آنے والے خودکش حملہ آور نے مقامی پولیس چیک پوائنٹ کے قریب خود کو دھماکے سے اڑایا۔ انہوں نے کہا کہ خودکش حملے میں 4 سیکیورٹی اہلکاروں سمیت 9 افراد جاں بحق اور سیکیورٹی اہلکاروں سمیت 12 افراد زخمی ہوئے، جاں بحق و زخمی ہونے والوں میں 4 بچے بھی شامل ہیں۔ حملے کی ذمہ داری کسی دہشت گرد گروپ نے قبول نہیں کی ہے، تاہم جلال آباد کے اطراف کا علاقہ طالبان اور داعش سے منسلک افغان گروپ کے جنگجوؤں کا گڑھ رہا ہے۔