آصف زرداری کی گرفتاری پر کے پی اسمبلی بجٹ اجلاس میں احتجاج کا فیصلہ

اسلام ٹائمز۔ پاکستان پیپلز پارٹی نے آصف علی زرداری اور فریال تالپور کی گرفتاری کے خلاف خیبر پختونخوا اسمبلی کے بجٹ اجلاس میں احتجاج کا فیصلہ کیا ہے۔ تفصیلات کے مطابق پاکستان پیپلز پارٹی نے خیبر پختونخوا اسمبلی میں بھی آصف علی زرداری اور فریال تالپور کی گرفتاری کے خلاف احتجاج کا لائحہ عمل تیار کرلیا ہے، جس کے تحت پیپلز پارٹی کے ارکان بجٹ تقریر کے دوران شور شرابہ کریں گے۔ اس سلسلے میں پیپلز پارٹی نے دیگر اپوزیشن جماعتوں کی حمات بھی حاصل کرلی ہے۔ پیپلز پارٹی کی رکن اسمبلی نگہت اورکزئی کا کہنا ہے کہ صوبائی وزیر خزانہ کو بجٹ تقریر نہیں کردیں گے، ہمارے احتجاج میں اے این پی، جے یو آئی (ف) اور (ن) لیگ بھی شامل ہوگی۔