قراقرم یونیورسٹی ہنزہ کیمپس میں سیاحت پر دو روزہ عالمی کانفرنس 27 اور 28 جون کو منعقدہ ہو گی

اسلام ٹائمز۔ قراقرم یونیورسٹی ہنزہ کیمپس میں سیاحت پر دو روزہ عالمی کانفرنس 27 اور 28 جون کو منعقدہ ہو گی، کے آئی یو میں پہلی دفعہ مونٹینئرنگ، ایکو ٹوریزم اینڈ ہاسپٹیلیٹی منیجمنٹ پر 27 اور 28 جون کو ہونے والی دو روزہ عالمی کانفرنس کی تیاریاں حتمی مراحل میں پہنچ گئیں بین الاقوامی کانفرنس میں ملکی وبین الاقوامی ماہرین تعلیم سمیت مختلف شعبہ جات سے تعلق رکھنے والے افراد شرکت کرینگے۔ دو روزہ کانفرنس کا انعقاد کرنے کا مقصد گلگت بلتستان میں سیاحت کی ترقی اور جی بی میں سیاحت کے مواقع پر روشنی ڈالنا اور تجاویز دینا ہے، ساتھ ساتھ جی بی کی تاریخ، رسم و رواج اور علاقے کا تشخص عالمی سطح پر اجاگر کرنا ہے، جس سے گلگت بلتستان کا مثبت چہر ہ بین الاقوامی سطح پرمزید متعارف ہوجائے گا۔