ایم کیو ایم کے لوگ کراچی کے شہریوں کو بنیادی سہولیات کی فراہمی میں رکاوٹ ڈالتے ہیں، سعید غنی

اسلام ٹائمز۔ وزیر بلدیات سندھ سعید غنی نے تسلیم کہا ہے کہ کراچی کو جتنے پانی کی ضرورت ہے اتنا پانی فراہم کرنے میں ابھی تک کامیاب نہیں ہوئے ہیں۔ ایک بیان میں انہوں نے کہا کہ کراچی کے شہریوں کو پانی کی فراہمی کے لئے سندھ حکومت ہر ممکن اقدامات کررہی ہے۔ انہوں نے الزام عائد کیا کہ کراچی کی ایک جماعت کے لوگ بھی کراچی کے شہریوں کو بنیادی سہولیات کی فراہمی میں رکاوٹ ڈالتے ہیں۔ انہوں نے کہا کہ ایم کیو ایم کے لوگ نہ صرف پانی کے پائپوں میں ریت کی بوریاں ڈالتے ہیں بلکہ نکاسی آب کے حوالے سے بھی انکی کی یہی روش ہے، کراچی کے شہریوں کو دیکھنا ہوگا کہ کون ان کے مسائل حل کرنے کی کوشش کررہا ہے اور کون رکاوٹیں ڈال رہا ہے۔