اسلام ٹائمز - کرمنل کیسز تقریباً ختم ہونیوالے ہیں، چند ہفتوں میں صفر رہ جائینگے، چیف جسٹس

جعلی بنک اکاؤنٹس کے ذریعے ٹرانزیکشنز بہت بڑا جرم ہے

کرمنل کیسز تقریباً ختم ہونیوالے ہیں، چند ہفتوں میں صفر رہ جائینگے، چیف جسٹس

سپریم کورٹ میں چیف جسٹس آصف سعید کھوسہ کی سربراہی میں سینئر اسسٹنٹ بینک محمد انور کے جعلی اکاؤنٹس کھلوانے سے متعلق کیس کی سماعت ہوئی، جس میں عدالت نے درخواست واپس لینے کی بنا پر معاملہ نمٹا دیا۔

اسلام ٹائمز۔ جعلی بنک اکاؤنٹس سے متعلق ایک کیس کی سماعت کے دوران چیف جسٹس آف پاکستان نے ریمارکس دیئے ہیں کہ جعلی بنک اکاؤنٹس کے ذریعے ٹرانزیکشنز بہت بڑا جرم ہے، بنک والوں کی شمولیت کے بغیر جعلی اکاؤنٹس نہیں کھل سکتے۔ نیشنل بینک راولپنڈی برانچ کے سینیئر اسسٹنٹ محمد انور کی جانب سے جعلی بنک اکاؤنٹس کھلونے کا کیس چیف جسٹس آصف سعید کھوسہ کی سربراہی میں 3 رکنی بنچ نے سنا۔ بنک کے وکیل نے دلائل دیئے کہ ملزم نے مختلف برانچوں میں جعلی اکاؤنٹس کھول کر دھوکہ دیا اور مظفرآباد برانچ سے بھی پیسے نکلوائے۔ چیف جسٹس نے ریمارکس دیئے کہ بنک والوں کی مرضی کے بغیر جعلی اکاؤنٹس نہیں کھل سکتے۔ ایک لاکھ کا اکائؤنٹ کھول کر اسے 9 لاکھ کا بنا دیا۔

چیف جسٹس کاکہنا تھا کہ 3 سال قید تو بہت کم دی گئی، جتنے بھی اکاؤنٹ کھلے سب کے اوپننگ فارم پر ملزم کے دستخط تھے، جتنی بھی ٹرانزیکشنز ہوئیں ملزم ان میں ملوث تھا۔ تفصیلات کیمطابق چیف جسٹس پاکستان نے ملزم کے وکیل کو مخاطب کرتے ہوئے کہا کہ آپ چاہتے ہیں کہ ملزم کو بری کردیں تاکہ وہ بنک میں دوبارہ جائے اور جو بچ گیا ہے وہ کام بھی مکمل کرے۔ عدالت نے درخواست واپس لینے کی بنا پر نمٹا دی۔ سپریم کورٹ میں ایک کیس کی سماعت کے دوران چیف جسٹس آف پاکستان جسٹس آصف سعید کھوسہ نے کرمنل کیسز سے متعلق ریمارکس دیئے کہ کرمنل کیسز تقریباً اب ختم ہو گئے ہیں، انشاءاللہ اگلے چند ہفتوں میں صفر رہ جائیں گے، اس ہفتے کے بعد صرف 100 اپیلیں رہ جائیں گی، تمام کیسز کی ایک ساتھ تیاری کرلیں، کیسز ختم ہونے والے ہیں۔

سپریم کورٹ میں چیف جسٹس پاکستان جسٹس آصف سعید کھوسہ کی سربراہی میں سینئر اسسٹنٹ بینک محمد انور کے جعلی اکاؤنٹس کھلوانے سے متعلق کیس کی سماعت ہوئی، جس میں عدالت نے درخواست واپس لینے کی بنا پر معاملہ نمٹا دیا۔ چیف جسٹس آف پاکستان نے سماعت کے دوران ریمارکس دیئے کہ ایک کیس میں ٹرائل کورٹ نے ملزم محمد انور ایوب کو 3 سال سزا اور 8 لاکھ جرمانہ کیا، دوسرے کیس میں ٹرائل کورٹ نے ملزم محمد انور ایوب کو 8 سال کی سزا دی اور ہائیکورٹ نے دونوں کیسز میں سزا 3 سال کردی۔ چیف جسٹس پاکستان نے ریمارکس دیئے کہ بینک والوں کی شمولیت کے بغیر جعلی اکاؤنٹس نہیں کھل سکتے، ایک لاکھ کا اکاؤنٹ کھول کر اسے 9 لاکھ بنا دیا، اکاؤنٹ بغیر تصدیق کے تو نہیں کھل سکتے۔ جتنے بھی اکاؤنٹ کھلے سب کے اوپننگ فارم پر ملزم کے دستخط تھے، جتنی بھی ٹرانزیکشنز ہوئیں ملزم ان میں ملوث تھا۔