0
Wednesday 19 Jun 2019 00:20

پاک فوج ملکی دفاع کا فریضہ سرانجام دیتی رہیگی، سپہ سالار

پاک فوج ملکی دفاع کا فریضہ سرانجام دیتی رہیگی، سپہ سالار
اسلام ٹائمز۔  آرمی چیف جنرل قمر جاوید باجوہ نے کہا ہے کہ ہر قسم کا خطرہ جامع قومی جواب کا تقاضا کرتا ہے۔ پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے نیشنل ڈیفنس یونیورسٹی اسلام آباد کا دورہ کیا جہاں انہوں نے نیشنل سیکیورٹی اور وار کورس کے شرکاء سے خطاب کیا۔ خطاب میں آرمی چیف نے قومی سلامتی کو درپیش اندرونی اور بیرونی چیلنجز پر روشنی ڈالتے ہوئے کہا کہ ہر قسم کا خطرہ جامع قومی جواب کا تقاضا کرتا ہے اور پاک فوج ریاست کے دوسرے اداروں سے مل کر اس جواب کیلیے مکمل طور پر مصروف عمل ہے۔ آرمی چیف مزید کہنا تھا کہ پاک فوج قومی حمایت سے ملک کا دفاع اور سکیورٹی کا فریضہ ادا کرتی رہے گی۔ انہوں نے کہا ہے کہ چینلجز سے نمٹنے کے لیے مؤثر حکمت عملی ضروری ہے۔ عوامی حمایت کے ساتھ ملکی دفاع کا فریضہ ادا کرتے رہیں گے۔ انہوں نے کہا کہ پاک فوج عوامی حمایت کے ساتھ ملکی دفاع کا فریضہ ادا کرتی رہے گی۔ گزشتہ ہفتہ آرمی چیف نے سالانہ فارمیشن کمانڈرز کانفرنس کی تقریب سے خطاب کرتے ہوئے کہا تھا کہ پاک فوج مادر وطن کو درپیش کسی بھی خطرے کا مقابلہ کرنے کے لیے تیار ہے۔ انہوں نے پاک بھارت کشیدگی کے دوران پڑوسی ملک کو منہ توڑ جواب دینے پر مسلح افواج کو خراج تحسین پیش کیا تھا۔ آرمی چیف کا کہنا تھا کہ آپریشن ردالفساد میں کامیابیاں قابل تعریف ہیں جو پائیدار امن کی راہ ہموار کریں گی۔
خبر کا کوڈ : 800231
رائے ارسال کرنا
آپ کا نام

آپکا ایمیل ایڈریس
آپکی رائے