فیصل آباد، سینیٹر سراج الحق کی قیادت میں جماعت اسلامی کا بجٹ کیخلاف عوامی مارچ

اسلام ٹائمز۔ موجودہ وفاقی بجٹ کیخلاف جماعت اسلامی فیصل آباد کے زیراہتمام امیر جماعت اسلامی سینیٹر سراج الحق کی قیادت میں بجٹ نامنظور عوامی مارچ کا انعقاد ہوا۔ چنیوٹ روڈ سے گھنٹہ گھر تک کیے گئے عوامی مارچ میں جماعت اسلامی یوتھ کے صدر زبیر احمد گوندل، لیاقت بلوچ سمیت جماعت اسلامی کے مرکزی، صوبائی اور ضلعی رہنماؤں نے مارچ میں شرکت کی اور مارچ کے شرکاء سے خطاب کیا۔ مقررین کا کہنا تھا کہ مہنگائی، بے روزگاری اور آئی ایم ایف کی غلامی منطور نہیں، نظام کی تبدیلی تک جماعت اسلامی ظالم حکمرانوں کیخلاف جد و جہد جاری رکھے گی۔