Tuesday 25 Jun 2019 17:18

آئین ہند پر یقین رکھنے والوں کیلئے مذاکرات کے دروازے کُھلے ہیں، بھاجپا

اسلام ٹائمز۔ اویناش رائے کھنہ نے کہا کہ کشمیر میں آئین ہند پر یقین رکھنے والوں کے ساتھ مذاکرات کیلئے بھارتی حکومت کے دروازے کھلے ہیں۔ بی جے پی کے قومی ناب صدر اور امور کشمیر انچارج اویناش رائے کھنہ نے کہا کہ وزیراعظم ہند نریندر مودی بتدریج کشمیر میں پرامن حالات تیار کر رہے ہیں۔ سرینگر میں بی جے پی کی طرف سے ’’سنگھٹن پراؤ سادھستیاں ابھیان (انجمن ممبران مہم جشن) کی تقریب کے حاشیہ میں نامہ نگاروں سے بات کرتے ہوئے انہوں نے کہا کہ بھارتی حکومت حریت کانفرنس کے ساتھ بات چیت کیلئے تیار ہے، تاہم بی جے پی کا روز اول سے یہ موقف رہا ہے کہ آئین ہند کے دائرے کے اندر بات کی جائے۔ انہوں نے کہا کہ ہم بات چیت کیلئے تیار ہیں، حریت لیڈر ہمارے اپنے لوگ ہیں، وہ جموں کشمیر کے شہری ہیں، تو بات چیت کا خیرمقدم کیا جائے گا، تاہم آئین ہند کے دائرے میں۔

اویناش رائے کھنہ نے واضح کیا کہ جن لوگوں کو آئین کی عزت نہیں ہے، ان سے بات چیت کا کوئی بھی مطلب نہیں ہے۔ انہوں نے کہا کہ بھارتی حکومت نے جب سے اصل صورتحال لوگوں کے سامنے لائی ہے، تب سے تبدیلیاں رونما ہوئیں ہیں۔ ان کا کہنا تھا کہ بی جے پی کا مقصد ریاست میں قیام امن و خوشحالی ہے، تاہم کچھ لوگ قانون میں رخنہ ڈال رہے ہیں۔ اویناش رائے کھنہ نے کہا کہ قانون کو بنائے رکھنا اور لوگوں کا اس پر اعتماد بڑھانا بھارت کی ترجیح ہے۔

آئین ہند پر یقین رکھنے والوں کیلئے مذاکرات کے دروازے کُھلے ہیں، بھاجپا

تازہ ترین

مقبول ترین

ہاٹ نیوز

پربحث ترین