اسلام ٹائمز - بہاولنگر سے کالعدم تنظیم کا دہشت گرد گرفتار

ملزم کے قبضے سے دھماکا خیز مواد، ڈیٹونیٹرز اور دہشت گردی میں استعمال ہونے والی دیگر اشیاء بھی برآمد کی گئیں ہیں۔ دہشت گرد کا تعلق راولاکوٹ ضلع پونچھ آزادکشمیر سے ہے۔

اسلام ٹائمز۔ بہاولنگر میں سی ٹی ڈی نے کارروائی کرتے ہوئے کالعدم تنظیم کے ایک دہشت گرد کو گرفتار کر لیا، ملزم کے قبضے سے دھماکا خیز مواد، ڈیٹونیٹرز اور دہشت گردی میں استعمال ہونے والی دیگر اشیاء بھی برآمد کی گئیں ہیں۔ ذرائع کے مطابق مصدقہ اطلاع پر سی ٹی ڈی نے ہارون آباد روڈ پر واقع بستی خلیل آباد میں کارروائی کرتے ہوئے دہشت گردی کی منصوبہ بندی میں مصروف کالعدم تنظیم کے ایک دہشت گرد عمر خورشید کو گرفتار کر لیا ہے۔ گرفتار دہشت گرد کو مزید تفتیش کے لئے نامعلوم مقام پر منتقل کر دیا گیا ہے۔ دہشت گرد کا تعلق راولاکوٹ ضلع پونچھ آزادکشمیر سے ہے۔