QR Code

افغان صدر کی وزیراعظم ہاوس آمد، مہمان صدر کو گارڈ آنر پیش کیا گیا

27 Jun 2019 12:19

ڈاکٹر اشرف غنی وزیراعظم عمران خان کی خصوصی دعوت پر پاکستان پہنچے ہیں، اپنے دورہ پاکستان کے دوران وہ صدر مملکت اور آرمی چیف سے بھی ملاقات کریں گے۔ وزیراعظم سے ملاقات کے دوران پاک افغان مفاہمتی یادداشتوں پر دستخط ہوں گے۔

اسلام ٹائمز۔ افغان صدر اشرف غنی وزیراعظم عمران خان کی دعوت پر دو روزہ سرکاری دورے پر پاکستان پہنچ گئے۔ وزیراعظم ہاوس آمد پر مہمان صدر کو گارڈ آف پیش کیا گیا، افغان صدر نے وزیراعظم عمران خان سے ون آن ون ملاقات بھی کی۔ افغان صدر ڈاکٹر اشرف غنی وزیراعظم عمران خان کی خصوصی دعوت پر پاکستان پہنچے ہیں، اپنے دورہ پاکستان کے دوران وہ صدر مملکت اور آرمی چیف سے بھی ملاقات کریں گے۔ وزیراعظم سے ملاقات کے دوران پاک افغان مفاہمتی یادداشتوں پر دستخط ہوں گے۔ اس سے قبل وزیراعظم ہاوس پہنچنے پر وزیراعظم عمران خان نے مہمان صدر کا استقبال کیا اور انہیں پاکستان آمد پر خوش آمدید کہا، اس موقع پر افغان صدر کو گارڈ آف آنر پیش کیا گیا اور دونوں ملکوں کے ترانے بھی بجائے گئے۔

خبر کا کوڈ: 801826