QR Code

یاترا کے دوران کشمیر شاہراہ پر سیولین سرگرمیوں پر کوئی پابندی نہیں ہے، بصیر احمد خان

10 Jul 2019 20:36

کشمیر کے صوبائی کمشنر نے ایک پریس کانفرنس کے دوران کہا کہ امرناتھ یاترا کے دوران سولین سرگرمیوں پر کوئی پابندی نہیں، یہ تو محض ٹریفک ریگولیشن ہے۔

اسلام ٹائمز۔ کشمیر کے صوبائی کمشنر بصیر احمد خان نے بدھ کو اس بات کی وضاحت کی کہ سرینگر و جموں قومی شاہراہ پر امرناتھ یاترا کے دوران شہری سرگرمیوں پر کسی قسم کی کوئی پابندی عائد نہیں ہے۔
انہوں نے ایک پریس کانفرنس کے دوران کہا کہ امرناتھ یاترا کے دوران سولین سرگرمیوں پر کوئی پابندی نہیں، یہ تو محض ٹریفک ریگولیشن ہے۔ بصیر احمد خان نے مزید کہا کہ لوگوں کو ’’افواہوں‘‘ پر کان نہیں دھرنا چاہیئے۔ انہوں نے یقین دلایا کہ موجودہ  ٹریفک ریگولیشن بھی آنے والے دنوں میں نہیں رہے گی۔

خبر کا کوڈ: 804262