جے یو آئی جی بی کے تشخص کیلئے بھرپور کردار ادا کریگی، مولانا عطاء اللہ شہاب

اسلام ٹائمز۔ جمعیت علمائے اسلام گلگت بلتستان کے امیر مولانا عطاء اللہ شہاب نے کہا ہے کہ جے یو آئی جی بی کے تشخص کیلئے بھرپور کردار ادا کریگی، اس حوالے سے جمعیت علاقے کے اندر سے اٹھنے والی سیاسی تحریکوں کو وفاقی سطح پر موثر بنانے کیلئے کسی قسم کی قربانی سے دریغ نہیں کریگی۔ اپنے بیان میں مولانا شہاب کا کہنا تھا کہ مرکزی قیادت ملکی سطح پر تمام جمہوریت پسند قوتوں کو ایک پلیٹ فارم پر جمع کرنے میں لگی ہوئی ہے، جے یو آئی جی بی بھی اس حوالے سے کردار ادا کرے گی۔