مسلم لیگ نون کے سینئر رہنما شاہد خاقان عباسی گرفتار

اسلام ٹائمز۔ سابق وزیراعظم اور مسلم لیگ نون کے سینئر رہنما شاہد خاقان عباسی کو نیب  نے گرفتار کر لیا ہے۔ شاہد خاقان عباسی کو لاہور کے ٹھوکر نیاز بیگ ٹول پلازہ پر گرفتار کیا گیا۔ نیب نے رہنما مسلم لیگ نون کو ایل این جی کیس میں عدم تعاون پر گرفتار کیا ہے۔ سابق وزیراعظم نے ایل این جی کیس میں آج پیشی سے معذرت کی تھی۔ مسلم لیگ نون کے رہنما احسن اقبال نے شاہد خاقان عباسی کی گرفتاری کی تصدیق کرتے ہوئے کہا ہے کہ یہ ظلم ہے جو مسلم لیگ نون کی قیادت پہ کیا جا رہا ہے۔