0
Monday 22 Jul 2019 10:27

جھک کر نہیں بلکہ سراٹھا کر دوستی کا ہاتھ بڑھانے امریکا آئے ہیں، شاہ محمود قریشی

جھک کر نہیں بلکہ سراٹھا کر دوستی کا ہاتھ بڑھانے امریکا آئے ہیں، شاہ محمود قریشی
اسلام ٹائمز۔ وزیرخارجہ شاہ محمود قریشی نے امریکہ میں جلسہ عام سے خطاب کرتے ہوئے کہا ہے کہ امن اور خوش حالی کی راہداریاں تعمیر کرنے نکلے ہیں، جھک کر نہیں بلکہ سراٹھا کر دوستی کا ہاتھ بڑھانے امریکا آئے ہیں۔ کیپٹل ون ارینا میں جلسے سے خطاب کرتے ہوئے شاہ محمود قریشی کا کہنا تھا کہ نیا پاکستان صرف ہم بناسکتے ہیں کوئی اور نہیں بناسکتا، پرامن اور خوش حال پاکستان کا خواب لے کر امریکا آئے ہیں۔
انہوں نے کہا کہ امریکا کے پاکستانیوں نے ثابت کردیا وہ زندہ دل ہیں، آپ کے ولولے کو دیکھ کر بہت لوگ خوش ہیں، کچھ پریشان بھی ہیں، ہم ہاتھ میں کشکول لے کر امریکا نہیں آئے۔ ان کا کہنا تھا کہ امن اور خوشحالی کی راہداریاں تعمیر کرنے نکلے ہیں، اوورسیز پاکستانیوں کی ترسیلات پاکستان کی برآمدات کے برابر ہیں، ایک آپ کی محبت ہے ایک وہ طبقہ ہے جو منی لانڈرنگ کرکے پیسہ بیرون ملک بھیجتا ہے۔ جلسے سے خطاب کرتے ہوئے وزیرخارجہ نے کہا کہ اووسیز پاکستانی نہ ہوتے تو تحریک انصاف کی بنیاد نہ ہوتی، اووسیز پاکستانی لٹیروں اور مافیا سے نجات چاہتے تھے۔ ان کا مزید کہنا تھا کہ ماضی میں تقریبات سفارت خانوں اور ہوٹلوں میں ہوتی رہیں، پہلا وزیراعظم ہے جو کمرشل پرواز سے آیا ہے، پہلا وزیراعظم ہے جو فائیو اسٹار ہوٹل نہیں بلکہ پاکستان ہاؤس میں رکا۔
خبر کا کوڈ : 806265
رائے ارسال کرنا
آپ کا نام

آپکا ایمیل ایڈریس
آپکی رائے

منتخب