0
Tuesday 23 Jul 2019 13:41

کرکٹ بیٹ اور سابق امریکی صدر آییزن ہاور کی تصویر، ٹرمپ کا عمران خان کیلئے تحفہ

کرکٹ بیٹ اور سابق امریکی صدر آییزن ہاور کی تصویر، ٹرمپ کا عمران خان کیلئے تحفہ
اسلام ٹائمز۔ امریکی صدر ڈونلڈ ٹرمپ نے وزیراعظم عمران خان کو کرکٹ بیٹ اور سابق امریکی صدر آییزن ہاور کی تصویر تحفے میں دی ہے۔ آئیزن ہاور پاکستان میں اسٹیڈیم میں بیٹھ کر میچ دیکھنے والے واحد امریکی صدر ہیں۔ امریکی صدر آئیزن ہاور نے 1959ء میں پاکستان کا دورہ کیا تھا اور کراچی کے نیشنل کرکٹ اسٹیدیم میں پاکستان اور آسٹریلیا کا کرکٹ میچ دیکھا تھا۔ آئیزن ہاور نے پاکستانی کرکٹ ٹیم کے کھلاڑیوں سے ملاقات بھی کی تھی۔ گزشتہ روز ڈونلڈ ٹرمپ اور عمران خان کے درمیان واشنگٹن میں ملاقات ہوئی تھی جس کے دوران امریکی صدر نے مسئلہ کشمیر پر ثالثی کی پیشکش کی تھی۔ اس موقع پر امریکی صدر پاکستان اور بھارت کے درمیان بہتر تعلقات کی امید کا اظہار کرتے ہوئے کہا تھا کہ دورہ پاکستان کی دعوت دی گئی تو ضرور جاؤں گا۔ وزیراعظم عمران خان سے ملاقات میں ڈونلڈ ٹرمپ نے افغانستان سے متعلق پاکستان کے کردار کو سراہا اور کہا کہ پاکستان افغانستان کے حوالے سے ہماری بہت معاونت کررہا ہے۔ انہوں نے کہا کہ امریکہ خطے کا پولیس والا نہیں بننا چاہتا، پاکستان افغانستان سے نکلنے میں ہماری کافی مدد کر رہا ہے اور پاکستان افغانستان میں لاکھوں جانیں بچانے کا سبب بنے گا۔
خبر کا کوڈ : 806562
رائے ارسال کرنا
آپ کا نام

آپکا ایمیل ایڈریس
آپکی رائے

منتخب