اسلام ٹائمز۔ بھارت کی قومی تحقیقاتی ایجنسی (این آئی اے) نے منگل کو سرینگر اور پلوامہ اضلاع میں دو تاجروں کے ہاں چھاپے مارے۔ یہ دونوں تاجر ایل او سی تجارت سے وابستہ ہیں۔ ذرائع کے مطابق این آئی اے اہلکاروں نے پولیس کو ساتھ لیکر غلام احمد وانی ساکنہ کیلر کے گھر پر چھاپا مارا۔ این آئی اے نے دوسرا چھاپہ پارمپورہ سرینگر میں مارا اور آخری اطلاعات موصول ہونے تک مذکورہ مقامات پر تلاشی اور چھان بین کا سلسلہ جاری تھا۔ ذرائع نے مزید کہا کہ یہ چھاپے مبینہ فنڈنگ کیس کی تحقیقات کا حصہ ہیں۔