0
Sunday 28 Jul 2019 09:36

دفعہ 35 اے کی کالعدمی کی افواہیں غلط ہیں، شیوراج سنگھ چوہان

دفعہ 35 اے کی کالعدمی کی افواہیں غلط ہیں، شیوراج سنگھ چوہان
اسلام ٹائمز۔ بھارتی آئین کی شق 35 اے کو کالعدم کرنے کی افواہوں کو یکسر مسترد کرتے ہوئے بی جے پی کے قومی نائب صدر شیو راج سنگھ چوہان نے واضح کیا کہ کشمیر مین اضافی فورسز کی تعیناتی ایک معمول کا معاملہ ہے۔ شیو راج سنگھ چوہان نے اپنے دورے کو سمیٹتے ہوئے سرینگر کے ایس کے آئی سی سی میں نامہ نگاروں سے بات کرتے ہوئے کہا کہ نئی دہلی کی حکومتی گلیاروں میں اس طرح کے کسی بھی منصوبے کو زیر غور نہیں لایا جا رہا ہے اور نا ہی اس پر بحث ہورہی ہے۔ انہوں نے کہا کہ یہ معاملہ عدالت میں زیر سماعت ہے۔ ان کا کہنا تھا کہ اضافی فورسز کی تعیناتی بھی ایک معمول کا معاملہ ہے۔

انہوں نے کہا کہ ہم کشمیر میں اپنے کارکنوں کی فلاح پر سنجیدہ ہیں اور ان لوگوں کو قومی لیڈرشپ کی سطح پر مکمل تعاون فرہم کیا جائے گا۔ پارٹی کارکنوں کی تعریف کرتے ہوئے  شیو راج سنگھ چوہان نے کہا کہ کشمیر میں نامساعد صورتحال کے باوجود ان کی جماعت کے کارکن کام کے تئیں کافی سنجیدہ ہے۔ انہوں نے کہا کہ بھاجپا کی اس تقریب میں لوگوں کی بھاری شرکت اس بات کی غماز ہے کہ کشمیری عوام امن و خوشحالی کے مشن کو آگے بڑھانا چاہتے ہیں۔
خبر کا کوڈ : 807486
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش