اسلام ٹائمز۔ وزیراعظم عمران خان نے آج ایک روزہ دورے پر لاہور آنا تھا تاہم ان کی مصروفیات کے باعث لاہور کا دورہ منسوخ کر دیا گیا ہے۔ ذرائع کے مطابق عمران خان نے آج لاہور میں گورنر پجاب چودھری سرور اور وزیراعلیٰ پنجاب عثمان بزدار سے ون آن ون ملاقات کرنا تھی جس کے بعد صوبائی کابینہ کے اجلاس میں وزراء کی کارکردگی کا جائزہ لینا تھا۔ تاہم اسلام آباد میں مصروفیات کے باعث وزیراعظم کا دورہ لاہور منسوخ کر دیا گیا ہے۔ وزیراعظم کے دورے کی نئی تاریخ کا اعلان جلد کر دیا جائے گا۔