اسلام ٹائمز۔ وفاقی وزیر برائے سمندری امور علی زیدی نے 4 اگست بروز اتوار سے سے کلین کراچی مہم آغاز کرنے کا اعلان کر دیا، کہتے ہیں کہ کراچی والوں کو بڑی عید پر بڑی عیدی دیں گے۔ کراچی میں میڈیا سے گفتگو کرتے ہوئے علی زیدی نے کہا کہ اتوار کو کے پی ٹی بلڈنگ سے کلین کراچی مہم کا آغاز کریں گے، جبکہ 14 اگست اور عید سے پہلے شہر چمچماتا نظر آئے گا۔ انہوں نے کہا کہ کراچی والوں کو بڑی عید پر بڑی عیدی دیں گے۔ انہوں نے اہل کراچی سمیت میڈیا سے تعاون اور آگاہی پھیلانے کی اپیل بھی کی۔