0
Monday 12 Aug 2019 17:32

خلیج فارس میں ہر قسم کی اسرائیلی موجودگی کے خلاف ہیں، عراق

خلیج فارس میں ہر قسم کی اسرائیلی موجودگی کے خلاف ہیں، عراق
اسلام ٹائمز۔ عراقی وزیر خارجہ محمد علی الحکیم نے اس بات پر تاکید کی ہے کہ عراق، خلیج فارس میں اسرائیل کی کسی بھی قسم کی موجودگی کے خلاف ہے۔ تفصیلات کے مطابق انہوں نے سماجی رابطے کی ویب سائٹ پر اپنے ایک پیغام میں لکھا ہے کہ ان کا ملک، خلیج فارس میں غاصب صیہونی رژیم کی کسی بھی قسم کی موجودگی کے خلاف ہے، چاہے وہ خلیج فارس میں کشتیرانی کی حفاظت کی خاطر ہی کیوں نہ ہو۔

عراق کے وزیر خارجہ نے لکھا ہے کہ خلیج فارس کے اردگرد کے ممالک خلیج فارس میں کشتیرانی کی حفاظت کی پوری صلاحیت رکھتے ہیں۔ محمد علی الحکیم نے لکھا کہ عراق، خطے میں گفتگو کے ذریعے تناؤ کم کرنے کی کوشش کر رہا ہے جبکہ خطے میں مغربی افواج کی موجودگی صرف اور صرف تناؤ میں اضافے کا باعث ہیں۔ واضح رہے کہ اسرائیلی وزیر خارجہ "یسرائیل کاٹز" نے کچھ ہی دن پہلے کہا تھا کہ اسرائیل، خلیج فارس میں قائم امریکی اتحاد میں شمولیت کے لئے اپنی افواج بھیجنے پر غور کر رہا ہے۔
خبر کا کوڈ : 810197
رائے ارسال کرنا
آپ کا نام

آپکا ایمیل ایڈریس
آپکی رائے

منتخب