اسلام ٹائمز۔ شامی فوج کے ایک اعلیٰ افسر کا کہنا ہے کہ شامی فوج نے "ادلب" کے "الھبیط" نامی اسٹریٹیجک شہر کے شمال میں واقع "حرش عابدین" اور "مغر الحنطہ" نامی دو قصبوں کو دہشتگردوں کے قبضے سے چھڑوا لیا ہے۔ واضح رہے کہ شام کی افواج نے "حماہ" اور "ادلب" کے گردونواح سے دہشتگردوں کا قبضہ ختم کروانے کے لئے تقریباً ایک ماہ سے وسیع پیمانے پر فوجی آپریشن شروع کر رکھا ہے جبکہ کئی ایک کلومیٹر کا علاقہ دہشتگردوں سے واپس لینے کے بعد اب شامی افواج "ادلب" کے نواح میں واقع سب سے بڑے شہر "خان شیخون" سے چند کلومیٹر کے فاصلے تک پہنچ چکی ہیں۔