کابل دھماکے میں پاکستانی شہری کے ملوث ہونے کا دعویٰ مسترد

اسلام ٹائمز۔ پاکستان نے کابل دھماکے میں پاکستانی شہری کے ملوث ہونے کے پروپیگنڈے کو مسترد کردیا ہے، ترجمان دفتر خارجہ نے اپنے تردیدی بیان میں کہا گیا ہے کہ پاکستان ان تمام بےبنیاد الزامات کو مسترد کرتا ہے، میڈیا رپورٹس کے مطابق کابل  دھماکہ داعش نے کرایا ہے، ترجمان دفترخارجہ نے کہا ہے کہ پاکستان ہر قسم کی دہشت گردی کی مذمت کرتا ہے، ہم نے دہشت گردی کی لعنت کو جڑ سے اکھاڑ پھینکنے کے لیے کامیاب کارروائی کی ہے، پاکستان انسداد دہشت گردی کے لیے علاقائی اور عالمی شراکت داروں کے ساتھ کوششیں جاری رکھے گا۔