اسلام ٹائمز۔ پاکستان انٹر نیشنل ائیر لائنز نے رش کے باعث دبئی اور ابوظہبی کے کرائے میں 6 ہزار روپے تک کا اضافہ کر دیا، پی آئی اے نے لاہور سے دبئی کا کرایہ 6 ہزار روپے اضافے سے 55 ہزار سے بڑھا کر 61 ہزار روپے کر دیا ہے۔ میڈیا رپورٹس کے مطابق رش بڑھنے کی وجہ سے کرایہ میں اضافہ کیا گیا ہے، امسال پی آئی اے کے میڈل ایسٹ کا سب سے زیادہ کرایہ وصول کیا جا رہا ہے، پی آئی اے انتظامیہ نے اضافی کرائے کے متعلق ایجنٹس کو آگاہ کر دیا ہے۔