یمن میں سعودی عرب اور متحدہ عرب امارات کے مسلح گروہوں کی آپس میں جھڑپیں، متعدد ہلاک و زخمی

اسلام ٹائمز۔ ایک عرب نیوز چینل نے مقامی ذرائع سے نقل کیا ہے کہ یمن کے جنوبی علاقے "شبوہ" میں یمن کے سابقہ مستعفی صدر منصور ہادی کے حمایتیوں کی متحدہ عرب امارات کے فوجیوں کے ساتھ شدید جھڑپیں ہوئی ہیں، جن میں دونوں طرف سے متعدد فوجی ہلاک و زخمی ہوگئے ہیں جبکہ ان شدید جھڑپوں میں دونوں طرف سے بھاری ہتھیاروں کے ساتھ گولہ باری بھی کی جا رہی ہے۔ رپورٹس کے مطابق دونوں گروہوں کے درمیان جھڑپیں تاحال جاری ہیں۔ واضح رہے کہ یمن میں موجود سعودی عرب کے حمایت یافتہ مسلح گروہ اور متحدہ عرب امارات کے فوجی وہاں نئے محاذ کھول کر یمن کی سرزمین کو کئی ٹکڑوں میں تقسیم کرنے کے منصوبے پر عمل پیرا ہیں، جس کا وہ بارہا اعلان بھی کرچکے ہیں۔