QR Code
عالمی برادری کشمیر میں انسانی حقوق کی بدترین خلاف ورزیوں کو رکوائے، ملیحہ لودھی
28 Aug 2019 09:30
پاکستانی مندوب کا قائم مقام انڈر سیکرٹری جنرل سے ملاقات میں کہنا تھا کہ بھارتی فورسز راتوں میں چھاپے اور گرفتاریاں کر کے مقبوضہ وادی میں خوف و ہراس مزید بڑھا رہی ہے، بھارتی بربریت سے حالات مزید سنگین ہونے کا خدشہ ہے۔
اسلام ٹائمز۔ اقوام متحدہ میں پاکستان کی مستقل مندوب ملیحہ لودھی نے کہا ہے کہ مقبوضہ کشمیر میں بھارتی حکومت کی جانب سے لگایا جانے والا کرفیو اور انسانیت سوز پابندیاں چوتھے ہفتے میں داخل ہو گئی ہیں۔ اقوام متحدہ کے قائم مقام انڈر سیکرٹری جنرل برائے پیس آپریشنز خالد خیری سے ملاقات کے دوران کشمیر کی تازہ صورتحال سے آگاہ کرتے ہوئے ان کا کہنا تھا کہ یہ عالمی برادری کی ذمہ داری ہے کہ وہ کشمیر میں انسانی حقوق کی بدترین خلاف ورزیوں کو رکوانے میں اپنا کردار ادا کرے۔ انہوں نے کہا کہ بھارتی فورسز راتوں میں چھاپے اور گرفتاریاں کر کے مقبوضہ وادی میں خوف و ہراس مزید بڑھا رہی ہے۔
خبر کا کوڈ: 813040