0
Wednesday 28 Aug 2019 17:56

رانا ثناءاللہ کے منشیات کیس کی سماعت کرنیوالا جج تبدیل کر دیا گیا

رانا ثناءاللہ کے منشیات کیس کی سماعت کرنیوالا جج تبدیل کر دیا گیا
اسلام ٹائمز۔ رانا ثناء اللہ کے کیس کی سماعت کرنیوالے انسداد منشیات عدالت کے خصوصی جج کو ہٹا دیا گیا۔ ذرائع کے مطابق رانا ثناء اللہ کو آج انسداد منشیات عدالت میں پیش کیا گیا تاہم جج نے رانا ثناء اللہ کیخلاف کیس کی سماعت سے انکار کر دیا۔ جج مسعود ارشد نے کہا ہے کہ ابھی وٹس ایپ پر نوٹیفکیشن موصول ہوا ہے، حکومت نے ان کی خدمات ہائیکورٹ کے سپرد کر دی ہیں، کیس کی مزید سماعت نہیں کر سکتا۔ عدالت نے رانا ثناء اللہ کے ریمانڈ میں مزید 10 روز کی توسیع کر دی۔ وکلا رانا ثناء اللہ نے کہا کہ کیس کی سماعت کرکے فیصلہ ہی دے جائیں۔ جج مسعود ارشد نے جواب دیا کہ سماعت کا اختیار اب میرے پاس نہیں، ابھی وٹس ایپ پر نوٹیفکیشن موصول ہوا ہے۔ نیب پراسیکیوٹر نے کہا کہ نوٹیفکیشن کل کا جاری ہو چکا ہے، سیاسی رنگ دینے کی کوشش کی جا رہی ہے، وکلا (ن) لیگ نے کہا کہ اب تو جج بھی کہہ رہے ہیں وٹس ایپ پر تبدیل ہو گیا ہوں، عدالت نے رانا ثناء اللہ کے ریمانڈ میں مزید 10 روز کی توسیع کر دی۔
خبر کا کوڈ : 813148
رائے ارسال کرنا
آپ کا نام

آپکا ایمیل ایڈریس
آپکی رائے

منتخب