QR Code

مودی سرکار اپنی انتہاپسندی کی آگ میں خود جل کر راکھ ہو جائے گی، عثمان بزدار

2 Sep 2019 11:29

وزیراعلیٰ پنجاب کا کہنا تھا کہ بھارت صرف مسلمان ہونے کی بناء پر کشمیریوں پر ظلم ڈھا رہا ہے، بھارت کی جارحیت پسندی اور ہٹ دھرمی نے خطے کے امن کو خطرے میں ڈال دیا ہے، دنیا میں رائے عامہ مظلوم کشمیریوں کے حق میں ہموار ہو رہی ہے۔ وزیراعلیٰ پنجاب کاکہنا تھا کہ بھارت دنیا کی آنکھوں میں دھول نہیں جھونک سکتا، بھارت جان لے کہ اب اس کی مرضی نہیں چل سکتی، دنیا میں کشمیریوں کے حق میں آوازیں بلند ہو رہی ہیں، کشمیریوں کی آزادی کا وقت قریب آن پہنچا ہے۔

اسلام ٹائمز۔ وزیراعلیٰ پنجاب سردار عثمان بزدار کا لاہور میں ملاقات کرنیوالے ارکان اسمبلی سے کہنا تھا کہ وزیراعظم عمران خان کی کوششوں سے مسئلہ کشمیر بین الاقوامی فورمز پر اجاگر ہوا ہے، مقبوضہ کشمیر کی حیثیت تبدیل کرنے کے مذموم بھارتی اقدام سے خطے کو سنگین خطرات لاحق ہو گئے ہیں۔ عثمان بزدار نے کہا کہ بھارت صرف مسلمان ہونے کی بناء پر کشمیریوں پر ظلم ڈھا رہا ہے، بھارت کی جارحیت پسندی اور ہٹ دھرمی نے خطے کے امن کو خطرے میں ڈال دیا ہے، دنیا میں رائے عامہ مظلوم کشمیریوں کے حق میں ہموار ہو رہی ہے۔ وزیراعلیٰ پنجاب کا کہنا تھا کہ بھارت دنیا کی آنکھوں میں دھول نہیں جھونک سکتا، بھارت جان لے کہ اب اس کی مرضی نہیں چل سکتی، دنیا میں کشمیریوں کے حق میں آوازیں بلند ہو رہی ہیں، کشمیریوں کی آزادی کا وقت قریب آن پہنچا ہے۔ عثمان بزدار نے کہا کہ وہ دن دور نہیں جب مودی سرکار انتہا پسندی کی آگ میں خود جل کر راکھ  ہو جائے گی، انتہا پسندی کا رویہ بھارت کے حصے بخرے کا باعث بنے گا۔

خبر کا کوڈ: 814017