اسلام ٹائمز۔ ینگ ڈاکٹرز ایسوسی ایشن گلگت بلتستان نے محرم الحرام کے احترام میں اپنا احتجاج گیارہ ستمبر تک موخر کر دیا۔ گلگت میں ایسوسی ایشن کے عہدیداروں نے پریس کانفرنس کرتے ہوئے کہا کہ گیارہ ستمبر تک مسئلہ حل نہ ہوا تو بارہ ستمبر سے پندرہ ستمبر تک کالی پٹیاں باندھ کر احتجاج کیا جائے گا، اور سولہ ستمبر سے پورے گلگت بلتستان کے سرکاری ہسپتالوں میں او پی ڈیز کو بند کر دیا جائے گا، ساتھ ہی پرائیویٹ کلینکس کو بھی بند کر دیا جائے گا۔ انہوں نے کہا کہ اس کے بعد جو بھی صورتحال پیدا ہوگی اس کی ذمہ داری محکمہ صحت اور چیف سیکرٹری پر عائد ہوگی۔ یاد رہے کہ جی بی کے ینگ ڈاکٹرز ایسوسی ایشن کنٹریکٹ ڈاکٹروں کو مستقل کرنے کا مطالبہ کر رہے ہیں۔